თბილისის მერიის ინფორმაციით, ერთიანი ეროვნული გამოცდებისთვის მუნიციპალური ავტობუსების დამატებითი მარშრუტები დაინიშნება. მათი განცხადებით, ავტობუსები საგამოცდო ცენტრების მიმართულებით დილის 6 საათიდან იმოძრავებენ და მგზავრებს სტანდარტული ტარიფით — 50 თეთრად მოემსახურებიან.

ავტობუსები შემდეგი მარშრუტებით იმოძრავებენ:

  • მეტროსადგურ ახმეტელის თეატრის მიმდებარე ტერიტორიიდან ავტობუსი აბიტურიენტებს გლდანში არსებული #39, #173 და #177 საჯარო სკოლების მიმართულებით გადაიყვანს;
  • კიდევ ერთი მუნიციპალური ავტობუსი მეტროსადგურ ახმეტელის თეატრის მიმდებარე ტერიტორიიდან გავა, მოძრაობას დაიწყებს გობრონიძის ქუჩიდან, მოუხვევს დუმბაძის გამზირზე და მგზავრებს მუხიანის მე-3 მიკრორაიონში არსებულ #175 საჯარო სკოლასთან მიიყვანს;
  • მეტროსადგურ ვარკეთილიდან ავტობუსი გაივლის ჯავახეთის ქუჩას, შეუხვევს შუამთის ქუჩაზე და მოძრაობას მე-3 მასივში არსებულ #117 საჯარო სკოლასთან დაასრულებს;
  • მეტროსადგურ სამგორის ზედა გასასვლელიდან საზოგადოებრივი ტრანსპორტი მგზავრებს მეტრომშენის დასახლებაში არსებულ #103 საჯარო სკოლასთან მიიყვანს.
  • მეტროსადგურ დიდუბის ქვედა გასასვლელის მიმდებარე ტერიტორიიდან კი ავტობუსი დიღმის მასივში არსებული #147 საჯარო სკოლის მიმართულებით იმოძრავებს.

ერთიანი ეროვნული გამოცდებისთვის 6 ივლისიდან 4 აგვისტოს ჩათვლით ჩატარდება.