პრემიერმინისტრ, გიორგი გახარიას თქმით, წარმოდგენა არ აქვს ქართული ოცნების საარჩევნო სიის პირველი ნომერი იქნება თუ არა. მისი თქმით, ჯერ პარტიის სიის დაკომპლექტება არ დაწყებულა.

"წარმოდგენა არ მაქვს. დღეის მდგომარეობით ჩემთვის ყველაზე მნიშვნელოვანი არის ეპიდემიოლოგია, ეკონომიკური რეფორმები და პოსტკრიზისული ეკონომიკური გეგმა და ახლა ძალზედ მნიშვნელოვანი ხდება ისეთი მიმდინარე პროცესები, როგორიც არის გამოცდები, რომელიც დღეს დაიწყო და კიდევ ბევრი რამ", — განაცხადა გახარიამ.

2020 წლის საპარლამენტო არჩევნები ოქტომბერშია დაგეგმილი და ის ახალი 120/30-ზე სისტემით ჩატარდება, რაც იმას გულისხმობს, რომ მომდევნო მოწვევის პარლამენტშ პარტიული სიით 120 დეპუტატი, მაჟორიტარულით კი 30 მოხვდება.