აშშ-ს საპრეზიდენტო კანდიდატის ჯო ბაიდენის საგარეო პოლიტიკის ერთ-ერთი მრჩევლის, მაიკლ კარპენტერის განცხადებით, საქართველოში ოლიგარქიული მმართველობა განვითარდა, სადაც პოლიტიკური და ეკონომიკური რესურსებია თავმოყრილი. ამის შესახებ მან მთავარ არხთან ინტერვიუს დროს ისაუბრა.

რაც შეეხება საქართველოს მთავრობისთვის სანქციების დაწესების პროექტს, რომელსაც კონგრესის რამდენიმე წევრი უერთდება, კარპენტერი ამბობს, რომ ამერიკის მხრიდან ეს დრამატული ნაბიჯი იქნება.

"მე არ მგონია, რომ ეს ახლა მოხდეს, მაგრამ ვფიქრობ, რომ ამ საკითხზე ორივე მოკავშირემ ყურადღება უნდა გაამახვილოს. საქართველოში განვითარდა ოლიგარქიული მმართველობა, სადაც პოლიტიკური და ეკონომიკური რესურსებია თავმოყრილი. ჩვენ ამაზე ძალიან ვწუხვართ. იქნება თუ არა ყველაფრის შედეგი სანქციები, არ ვიცი. მაგრამ უკვე ძალიან სერიოზულია, რომ ეს საკითხი კონგრესში ძალიან მაღალი თანამდებობის პირების მხრიდან არის ინიცირებული", — აღნიშნა კარპენტერმა.