ეგზიტპოლის მიხედვით, რუსეთში საკონსტიტუციო ცვლილებებს, მათ შორის ვლადიმერ პუტინისთვის საპრეზიდენტო ვადის განულებას, მოსახლეობის 76 პროცენტი უჭერს მხარს. აღნიშნული შედეგები ორგანიზაცია ვციომმა გამოაქვეყნა, რომელიც სახელმწიფო კომპანიაა.

ტვ რეინი კომპანიაზე დაყრდნობით წერს, რომ გამოკითხვა 25-28 ივნისის ჩათვლით ჩატარდა და მონაწილეობა 163 ათასზე მეტმა ადამიანმა მიიღო, რომელთაგან 29,4-მა პროცენტმა პასუხზე უარი განაცხადა. ეგზიტპოლის თანახმად, საკონსტიტუციო ცვლილებების წინააღმდეგ 23,6 პროცენტმა მისცა ხმა.

საკონსტიტუციო ცვლილებებზე საყოველთაო კენჭისყრა რუსეთში 25 ივნისს დაიწყო და 1-ლ ივლისამდე ჩატარდება. რუსეთის ცესკოს ინფორმაციით, ამომრჩევლის აქტივობამ 30 პროცენტი შეადგინა.

რუსეთის პრეზიდენტის ვლადიმერ პუტინის ინიციატივით რუსეთის კონსტიტუციაში ცვლილებები შედის. ერთ-ერთ ცვლილებად განიხილება პუტინისთვის საპრეზიდენტო ვადის განულება, რის შემთხვევაშიც მეორე ვადის დასრულების შემდეგ, 2024 წელს იგი საპრეზიდენტო არჩევნებში მონაწილეობა ისევ შეეძლება.

საკონსტიტუციო ცვლილებები მიიღო რუსეთის პარლამენტმა და რეგიონულმა საკანონმდებლო ორგანოებმაც დაუჭირეს მხარი. მის კონსტიტუციურობაში ეჭვი არ შეჰპარვია რუსეთის საკონსტიტუციო სასამართლოსაც. ამის შემდეგ კი ცვლილებები საყოველთაო კენჭისყრაზე გავიდა.