ქართული ოცნების აღმასრულებელი მდივანის, ირაკლი კობახიძის აზრით, პარლამენტში პრემიერის წლიური ანგარიში იყო მესამე მასტერკლასი ერთ თვეში. ამ სიტყვებით დაიწყო მან მისი გამოსვლა.

"რაც შეეხება დღევანდელ გამოსვლას, ეს იყო ერთი თვის განმავლობაში მესამე მასტერკლასი, ეს არის ძალიან მოკლე შეფასება, თუმცა მოგვიანებით ამ შეფასებას კიდევ ერთხელ დავუბრუნდები", — თქვა ირაკლი კობახიძემ.

ეს პირველი შემთხვევა არაა, როცა ირაკლი კობახიძე გიორგი გახარიას ვიზიტს პარლამენტში მასტერკლასად აფასებს. ინტერპელაციის წესით გახარიას პარლამეტში მეორედ მისვლისას დეპუტატმა აღნიშნა, რომ ეს კიდევ უფრო მეტი იყო ვიდრე მასტერკლასი "ჭადრაკის ენაზე რომ ვთქვათ, საყმაწვილო შამათი".

დღეს, 26 ივნისს პრემიერი, გიორგი გახარია პარლამენტში წლიური ანგარიშით წარსდგა.