ალდაგი ერთ-ერთი პირველი კერძო კომპანიაა, რომელიც დამოუკიდებელ საქართველოში დაფუძნდა და დღემდე, თავის სფეროში მას ერთ-ერთი წამყვანი ადგილი უჭირავს.

დღეს ალდაგის პორტფელში როგორც კორპორატიულ, ისე საცალო სექტორში 100 000 მდე დაზღვეული კლიენტია. 30 წლის განმავლობაში კომპანიის მიერ ადამიანებისა და კომპანიებისთვის ანაზღაურებული თანხა 320 მლნ ლარს შეადგენს.

დაფუძნებიდან დღემდე, ალდაგი სტაბილურად თანამშრომლობს საერთაშორისო მაღალრეიტინგულ გადამზღვევლებთან. ალდაგი იყო პირველი, ვინც საქართველოში შემოიყვანა კომპანია Swiss Re და მასთან ერთად მთელი რიგი წამყვანი კომპანიები. დღეს ალდაგის საერთაშორისო პარტნიორებს შორის არიან: HANNOVER RE, TRANS RE, AXA XL (XL Catlin), POLISH RE, AIG and LLOYD’S OF LONDON. ბოლო 16 წლის განმავლობაში საერთაშორისო პარტნიორებისგან ალდაგმა ქვეყანაში 87 მილიონ ლარამდე შემოიტანა.

ალდაგი იყო პირველი, რომელმაც დაიწყო აგრომეურნეების დაზღვევა საქართველოში და მხლოდ ამ მიმართულებით, 2014 წლიდან 15 მილიონი ლარი აქვს ანაზღაურებული. ალდაგმა შექმნა არაერთი საცალო და კორპორატიული სადაზღვევო პროდუქტი. ახალი პროდუქტებისა თუ სერვისების დანერგვის კუთხით დღემდე ერთ-ერთი ინოვატორია.

30 წლის განმავლობაში, ალდაგმა ზრდისა და განვითარების მიზნით, არაერთი შერწყმა და ტრანსფორმაცია განახორციელა . დღეს ის საქართველოსა და კავკასიის რეგიონში EUROMONEY-ის, world finance-ის და global brand magazine--ის მიერ საუკეთესო სადაზღვევო კომპანიად არის აღიარებული.

2020 წელს ალდაგი ფლობს ბაზრის 44% წილს აგროდაზღვევაში, 35% წილს ტვირთების დაზღვევაში, 34% ქონების დაზღვევაში და 25% წილს ავტოდაზღვევაში. ალდაგი 600 ადამიანზე მეტს ასაქმებს და ერთ-ერთი საუკეთესო დამსაქმებელია, როგორც შიდა პოლიტიკის, ისე თანამშრომლებში ინვესტიციისა და მოტივაციის კუთხით.

წელს, ალდაგმა სადაზღვევო ბაზარზე პირველმა შეძლო სრულად ციფრული ტრანსფორმაცია ხელოვნური ინტელექტისა და ბლოკჩეინ ტექნოლოგიების გამოყენებით, რაც ალდაგის მომხმარებლისთვის კიდევ უფრო უსაფრთხო, დახვეწილ და მაღალი ხარისხის მომსახურებას ნიშნავს. ალდაგი იყო პირველი 2020 წელს, რომელმაც მნიშვნელოვანი ნაბიჯები გადადგა ხელმისაწვდომი საცალო პროდუქტების განვითარების კუთხით.

"30 წლის გამოცდილება, ექსპერტიზა რისკების მართვასა და მომხმარებელთან ურთიერთობაში, ალდაგს აძლევს საშუალებას, იყოს საიმედო პარტნიორი, როგორც საქართველოში - ადამიანებისა და კომპანიებისთვის, ისე საერთაშორისო პარტნიორებთან ურთიერთობაში. მოხარული ვართ, რომ წლების განმავლობაში შევძელით შეგვექმნა დაზღვევის სტანდარტი, ვყოფილიყავით სანდო და სტაბილური პარტნიორი და ხელი შეგვეწყო ადამიანებისა და ბიზნესებისთვის განვითარებულიყვნენ მშვიდ და სტაბილურ გარემოში", — განაცხადა ალდაგის გენერალურმა დირექტორმა, გიორგი ბარათაშვილმა.