დუბაიში შვიდკაცა რაგბის მსოფლიო სერიის ერთ-ერთი ეტაპი ტარდება, სადაც მსოფლიო რეიტინგის მოწინავე გუნდები იღებენ მონაწილეობას. პარალელურად ტარდება მოწვევითი სახის ტურნირი, სადაც საქართველოს ქალთა და კაცთა გუნდები მიიწვიეს. ამით ჩვენი გუნდები 2017 წლის სეზონისთვის ემზადებიან.

მართალია შვიდკაცა გუნდს ისეთი კარგი რეიტინგი არ აქვს, როგორც თხუთმეტკაცა ეროვნულ ნაკრებს, და მსოფლიო სერიაში ჯერ არაა,მაგრამ 2017 წელს ჩვენ გუნდს მსოფლიოს ჩემპიონატის შესარჩევი ტურნირი აქვს ჩასატარებელი. დუბაის ეს ტურნირი კარგი მოსამზადებელი პლაცდარმია. შეგახსენებთ ჩვენი გუნდი ამ ტურნირზე ჯგუფში ირლანდიასთან, გერმანიასთან და ზამბიასთან ერთად მონაწილეობს.

საქართველოს შვიდკაცა ნაკრები დღეს უკვე შეხვდა 2 გუნდს და გერმანიასთან მარცხის შემდეგ, ზამბიასთან ანგარიშით 19:12 მოიგო.

დღეს საქართველოს შვიდკაცა ნაკრები ირლანდიას 18:20 წუთზე ხვდება. 7 წუთიანი და 2 ტაიმიანი შეხვედრის შედეგები შეგიძლიათ დუბაის რაგბის საიტზე იხილოთ.

განახლება:

საქართველომ ირლანდიასთან 24-14 წააგო, თუმცა საუკეთესო მესამე ადგილით მეოთხედ ფინალში გადავიდა. შვიდკაცა ხვალ სამხრეთ აფრიკის შვიდკაცა აკადემიას შეხვდება.