თვითიზოლაციაში ყოფნისას თუ ნეტფლიქსის გადაბმულად ყურებასთან ერთად დრო სხვა ინტერესებს დაუთმეთ, თამამად შეგიძლიათ თქვათ, რომ ეს ახალი რეალობა თქვენთვის სასიკეთოდ გამოგიყენებიათ. მაგალითად, ციფრულმა მარკეტერმა ედო არძენაძემ სახლში ყოფნის დრო ფოტოშოპისა და ილუსტრატორის უნარების გაღრმავებას დაუთმო.

ედო ღამის ფოტოგრაფიითაა გატაცებული და სამსახურიდან სახლამდე გზას კამერით ხელში გადის ხოლმე. როგორც თავად ამბობს, მისი პროფესია და ინტერესები ერთმანეთთან ყოველდღიურად იკვეთება და გრაფიკულ დიზაინერებთან კომუნიკაციის დროს ახალ-ახალ ციფრულ ხელსაწყოებსაც სწავლობს.

ახალშეძენილი ცოდნა არამხოლოდ პროფესიულ საქმიანობას ხდის უფრო კომფორტულს:

"მუღამიც მოაქვს, როცა შენი ფიქრების ვიზუალიზაცია შეგიძლია".

სახლში ყოფნისას ედომ თავის ფოტოარქივს გადაავლო თვალი და სწავლის პარალელურად, საინტერესო ნამუშევრებიც შექმნა:

"როცა 9 საათის მერე სახლიდან გასვლა აგვეკრძალა, ჩემს ფოტოარქივს ჩავუჯექი და დავიწყე კოლაჟების შექმნა. წინასწარ არასდროს ვიცოდი, რა იქნებოდა საბოლოო შედეგი, თუმცა მუშაობის პროცესში იდეა გზადაგზა ფორმას იძენდა".

ფოტო 1: Edo Ardzenadze

ფოტო 1: Edo Ardzenadze

ფოტო 1: Edo Ardzenadze

ფოტო 1: Edo Ardzenadze

ფოტო 1: Edo Ardzenadze

ფოტო 1: Edo Ardzenadze

ფოტო 1: Edo Ardzenadze

ერთ ნამუშევარს მეორე მიჰყვა და ახლა ვერ იფიქრებთ, რომ ისინი თვითნასწავლი ან დამწყები გრაფიკოსის შექმნილია. ედოს სხვა ნამუშევრების დათვალიერება Instagram-სა და Behance-ზე შეგიძლიათ.