ბრიუსელში მყოფი საქართველოს პრემიერმინისტრი გიორგი კვირიკაშვილი ევროკომისიის ვიცეპრეზიდენტ ფედერიკა მოგერინისთან ერთად ამ წუთებში პრესკონფერენციას მართავს.

მოგერინის თქმით, ის აქტიურად მუშაობს იმისთვის, რომ ვიზალიბერალიზაციის მიღების პროცესი საქართველოს მოქალაქეებისთვის მალე დასრულდეს:

"მინდა ნათლად აღვნიშნო, რომ საქართველომ შეასრულა ყველა ვალდებულება და ყველა ჩვენგანი და პირადად მე, ველოდებით ევროპის პარლამენტისა და საკონსულოს გადაწყვეტილებას, რომ რაც შეიძლება მალე დასრულდეს ვიზალიბერალიზაციის მიღების პროცესი და ყველაფერს ვაკეთებთ ამისთვის".

ფედერიკა მოგერინიმ და გიორგი კვირიკაშვილმა მადლობა გადაუხადეს ერთმანეთს თანამშრომლობისთვის. გიორგი კვირიკაშვილმა ეკონომიკურ თანამშრომლობის მნიშვნელობაზე ისაუბრა და ასევე განაცხადა, რომ აუცილებელია ქართველი სტუდენტებისთვის უცხოეთში განათლების მიღება.