ქართული ოცნების ერთ-ერთი ლიდერის, მამუკა მდინარაძის თქმით, ქართული ოცნების მხრიდან საკონსტიტუციო ცვლილებებზე სიურპრიზები არ იქნება. ამ თემაზე მან კომენტარი ქართული ოცნების ოფისში გამართული უმრავლესობის სხდომის შემდეგ გააკეთა.

"სიურპრიზები არ უნდა იყოს, თუ სიურპრიზი არ შემოგვთვაზა ჩვენმა რომელიმე ოპონენტმა, ჩვენი მხრიდან არანაირი სიურპირზი არ იქნება ეს შემიძლია დაბეჯითებით და გარანტირებულად გითხრათ", — თქვა მამუკა მდინარაძემ.

მდინარაძის თქმით, კომუნიკაცია ჰქონდათ სხვადასხვა დეპუტატებთან და ის ადამიანები, რომლებიც აცხადებდნენ, რომ საკონსტიტუციო ცვლილებას მხარს უჭერდნენ ისევ ამ აზრზე არიან. მან აღნიშნა, რომ პროექტსჯამში მინიმუმ 116-117 ხმა უნდა ჰქონდეს, აქედან 92 ხმა უმრავლესობის იქნება.