ნაციონალური მოძრაობის მაჟორიტარობის კანდიდატები თბილისის ორ ოლქში ნიკა მელია და ლევან ხაბეიშვილი იქნებიან. ამის შესახებ ნიკა მელიამ ჟურნალისტებს განუცხადა. მისი თქმით, გლდანის ოლქში კენჭს თავად იყრის, ხოლო სამგორის ოლქში მაჟორიტარობის კანდიდატი ლევან ხაბეიშვილი იქნება.

როგორც ცნობილია, თბილისის 8 სამაჟორიტარო ოლქიდან ნაციონალურ მოძრაობას მხოლოდ 2 ოლქში ეყოლება თავისი კანდიდატურა.

ასევე ცნობილია, რომ ევროპული საქართველო ოპოზიციურ ფორმატს თბილისის მაჟორიტარულ ოლქებში ოთხ კანდიდატს სთავაზობს. მათ შორის არიან როგორც ამ პარტიის, ისე სხვა პარტიების წარმომადგენლები. ესენი არიან: ვაკე — ელენე ხოშტარია;
მთაწმინდა — შალვა შავგულიძე; ისანი — გიორგი ვაშაძე; ნაძალადევი — შალვა ნათელაშვილი.