თბილისში, ბულაჩაურის ქუჩაზე საპატრულო პოლიციის ეკიპაჟის მანქანა და მსუბუქი ავტომობილი ერთმანეთს შეეჯახა. შემთხვევა დღეს, 18 ივნისს მოხდა. შინაგან საქმეთა სამინისტროში აცხადებენ, რომ დაშავებულია პატრულის თანამშრომელი.

მსუბუქი ავტომობილის მძღოლი, კატო ორცხელი რადიო პალიტრის პროდიუსერია. მთავარ არხთან საუბარში იგი აცხადებს, რომ ავტობუსის ზოლიდან, დიდი სისწრაფით მიმავალი პატრულის მანქანა შეეჯახა და მისი სიმართლის დამტკიცებას შეეცდება.

შსს-სში ამბობენ, რომ ფაქტზე ჩანიშნულია ექსპერტიზა. გამოძიება დაწყებულია სისხლის სამართლის კოდექსის 276-ე მუხლის მეორე ნაწილით, რაც სატრანსპორტო მოძრაობის უსაფრთხოების წესების დარღვევას გულისხმობს, რამაც ჯანმრთელობის დაზიანება გამოიწვია.