ახმეტის მუნიციპალიტეტის სოფელ ოჟიოში მომხდარი ავარიის შედეგად არასრულწლოვანი დაიღუპა. მთავარი არხის ინფორმაციით, ბავშვი სკოლიდან გამოსვლის შემდეგ გზის გადაკვეთას ცდილობდა, რა დროსაც ავტომობილი შეეჯახა.

შინაგან საქმეთა სამინისტროში On.ge-ს უთხრეს, რომ საქმეზე უკვე დაიწყო გამოძიება სისხლის სამართლის კოდექსის 276-ე მუხლის მე-6 ნაწილით, რაც სატრანსპორტო საშუალების მოძრაობის წესების დარღვევას გულისხმობს, რამაც ადამიანის სიცოცხლის მოსპობა გამოიწვია. დანაშაული ისჯება თავისუფლების აღკვეთით ვადით ოთხიდან შვიდ წლამდე.