ნაციონალური მოძრაობის წევრი, სალომე სამადაშვილი აცხადებს, რომ საპარლამენტო არჩევნებამდე ერთიანი ოპოზიციური სიის შექმნა კიდევ ერთხელ იქნება მხოლოდ კოალიციური ხედვის განმტკიცება. ამის შესახებ მან TV პირველის ეთერში ისაუბრა.

"როდესაც საუბრობს მიხეილ სააკაშვილი იმაზე, რომ არჩევნების წინ შექმნას ერთიანი სია, ეს კიდევ ერთხელ არის მხოლოდ განმტკიცება ამ კოალიციური ხედვის არჩევნებამდე. მე ეს იდეა ასე მესმის და არ მესმის ორპოლუსიანობას ეს როგორ შეუწყობს ხელს. თუ რომელიღაც პარტიას მიაჩნია, რომ რომ ამითი ის თავის პარტიულ იდეებს იმდენად დააზიანებს, რომ ვერ შემოიტანს საკმარის წვლილს საერთო ამოცანაში, რაც არის ბიძინა ივანიშვილის დამარცხება, ამ აზრსაც აქვს არსებობის უფლება", — განაცხადა სამადაშვილმა.

საქართველოს ყოფილი პრეზიდენტი, მიხეილ სააკაშვილი ოპოზიციურ პარტიებს მოუწოდებს, ყველა ჯგუფი ერთიან სიაში გაერთიანდეს. 13 ივნისს გავრცელებულ ვიდეომიმართვაში სააკაშვილი აღნიშნავს, რომ ეს არის ერთიანობის "ყველაზე ზუსტი და სწორი ფორმა".

"ახლა არის სიტუაცია, როდესაც ყველამ უნდა გადავდოთ ამბიციები გვერდზე და გავაერთიანოთ მთლიანად ყველა ოპოზიციური ჯგუფი ერთიან სიაში - ეს არის ერთიანობის ყველაზე ზუსტი და სწორი ფორმა! გავერთიანდეთ! გავაკეთოთ ერთიანი დიდი სია... ადგილები გადანაწილდეს ეს ჩემთვის სულერთია..." — ამბობს სააკაშვილი.

მიხეილ სააკაშვილის შეთავაზებას გამოეხმაურნენ ოპოზიციური პარტიის ლიდერებიც. მათ მიაჩნიათ, რომ ერთიანი სია ორპოლუსიანობას გაზრდის.

ამავე თემაზე: