საგანგებო სიტუაციების მართვის სამსახურის ცნობით, აბასთუმანში ტყეში გაჩენილი ხანძარი ლოკალიზებულია. უწყების ცნობით, ტყის მასივში იყო დაკვამლიანება და მეხანძრე-მაშველებს ადგილზე დახვდათ წიწვოვანი ტყის ხანძარი.

საგანგებო სიტუაციების სამსახურის ინფორმაციით, ადგილზე მუშაობდა ცოცხალი ძალა, როგორც სამცხე-ჯავახეთის რეგიონიდან, ასევე, ქვემო ქართლიდან. ამ დროისთვის კი მუშაობს 65 მეხანძრე-მაშველი. ხანძრის ქრობაში, ასევე, ჩაერთო შინაგან საქმეთა სამინისტროს სასაზღვრო პოლიციის 2 ვერტმფრენი.

უწყებაში ამბობენ, რომ ამ დროისთვის სიტუაცია კონტროლს ექვემდებარება და ცეცხლის გავრცელების საფრთხე არაა. მიმდინარეობს სალიკვიდაციო სამუშაოები.

ფოტო: საგანგებო სიტუაციების მართვის სამსახური