თბილისის რესპუბლიკური საავადმყოფოს დირექტორის, ლევან გოფოძის თქმით, კორონავირუსის 6 ახალი შემთხვევიდან 2 ექთანია. ამ თემაზე კომენტარი მან მედიასთან ცოტა ხნის წინ გააკეთა. ექიმის თქმით, 6 ახალი პაციენტიდან 5-ის პასუხი მათ საავადმყოფოში დადასტურდა, ხოლო ერთი გადმოიყვანეს.

"რაც შეეხება ახლად დადასტურებული შემთხვევებიდან მოძიება მიმდინარეობს კიდევ რამდენიმეს ინფიცირების წყაროების. [...] ამ ექვსიდან 1 არის გადმოყვანილი ინფექციური საავადმყოფოდან, მისი ეპიდ წყაროები მთლიანად ცნობილია, დანარჩენ 5-ს ახლა დაუდასტურდა და მათი წყაროების მოძიებაც დაიწყება. სამედიცინო პერსონალიდან დაემატა 2 ადამიანი ამას, დანარჩენები არიან ჩვეულებრივი ცხელების ცენტრიდან. ისინი არიან ჩვენი ექთნები", — თქვა ლევან გოფოძემ.

გოფოძემ აღნიშნა, რომ დღეს რესპუბლიკურ საავადმყოფოში 50-ზე მეტი ტესტი ჩატარდა, რომელთა პასუხებიც ხვალ გახდება ცნობილი. მისი თქმით, ამ ეტაპზე კლინიკაში 17 კორონავირუსით ინფიცირებული აგრძელებს მკურნალობას, მათ შორის ერთის მდგომარეობა მძიმეა.

საქართველოში კორონავირუსის კიდევ 6 ახალი შემთხვევა გამოვლინდა. სულ შემთხვევები 843-მდე გაიზარდა, გამოჯანმრთელებულების რიცხვი კი 697 გახდა. გარდაცვლილია 13 ადამიანი. კარანტინის რეჟიმში 3 026 ადამიანი რჩება, ხოლო სტაციონარში მეთვალყურეობის ქვეშ — 297.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: