დაავადებათა კონტროლის ცენტრის ხელმძღვანელის მოადგილე, პაატა იმნაძე ამბობს, რომ COVID-19-ის ახალი შემთხვევები, რომელთა წყარო ვერ დგინდება, მეორე ტალღაზე მიუთითებს. ამის შესახებ მან ფორმულასთან განაცხადა.

როგორც იმნაძემ განმარტა, ამ ეტაპისთვის უკვე უამრავი კონტაქტია გამოკვლეული, ზოგი კარანტინშია და ზოგი უკვე იზოლაციაში გადაყვანილი. მისივე თქმით, წყაროების პოვნის საკითხი კითხვის ნიშნის ქვეშ დგას.

"პრინციპში შეიძლება ითქვას, რომ ეს არის მეორე ტალღა, ოღონდ, პატარა მეორე ტალღა, რომელიც, იმედი გვაქვს, რომ ამასაც გავაჩერებთ", — აღნიშნა იმნაძემ.

ბოლო 24 საათში კორონავირუსის 6 ახალი შემთხვევა გამოვლინდა, ხოლო 4 ადამიანი გამოჯანმრთელდა. მათგან 1 საკარანტინო სივრციდანაა, ხოლო 1 სამედიცინო პერსონალია. 4-ის წყარო უცნობია.

სულ შემთხვევები 828-მდე გაიზარდა, გამოჯანმრთელებულების რიცხვი 694 გახდა. გარდაცვლილია 13 ადამიანი. კარანტინის რეჟიმში 3 230 ადამიანი რჩება, ხოლო სტაციონარში მეთვალყურეობის ქვეშ — 285.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: