ყოველდღიურ პრესასთან შეხვედრაზე ამერიკის დეპარტამენტის სპიკერმა ჯონ კირბიმ საქართველოს ევროატლანტიკური ინტეგრაციისთვის მნიშვნელოვან პირობებზე ისაუბრა და რუსთავი 2-ისა და გიგი უგულავას თემებსაც შეეხო:

"როგორც ჩვენ ვიცით, რუსთავი 2-ის საქმე განსახილველად გადაეცა უზენაეს სასამართლოს. ჩვენ შეშფოთებული ვართ იმ გადაწყვეტილებით, რომელმაც შესაძლოა გავლენა იქონიოს საქართველოს მედია სივრცის პლურალიზმზე. როგორც წარსულშიც ვთქვით, მედიის თავისუფლება, პოლიტიკური მრავალფეროვნება და სასამართლოს დამოუკიდებლობა უმნიშვნელოვანესია დემოკრატიისთვის და გვწამს, რომ ამ ინსტიტუტების მოქმედება უმნიშვნელოვანესია საქართველოს ევროატლანტიკური ინტეგრაციისთვის".

თბილისის ყოფილი მერის გიგი უგულავაზე საუბრისას, კირბიმ განაცხადა, რომ ისინი პროცესზე დაკვირვებას აგრძელებენ:

"ჩვენ ძალიან ყურადღებით ვაკვირდებით ამ პროცესს. ისინი იმსახურებენ შეშფოთებას. ჩვენ დიპლომატიურ საუბრებში ამ დეტალებში არ შევდივართ, თუმცა განვაგრძობთ ჩვენი შეშფოთების გამოხატვას დიპლომატიური არხების საშუალებით".