შინაგან საქმეთა სამინისტროს ცნობით, ცოლის მიმართ ძალადობისა და მუქარის ბრალდებით სამტრედიაში ერთი პირი დააკავეს. უწყების განცხადებით, პოლიციამ, დაკავებულის პირადი ჩხრეკისას, ნივთმტკიცებად გასაშლელი დანა ამოიღო.

გამოძიების ვერსიით, 3 ივნისს კაცმა სამტრედიაში, ტაქსით მგზავრობის დროს, ცოლს, 1998 წელს დაბადებული ქ.თ.-ს სიტყვიერი შეურაცხყოფა მიაყენა, სიცოცხლის მოსპობით დაემუქრა და ცივი იარაღით ხელზე მსუბუქი დაზიანებები მიაყენა. დაზარალებული ქალი პოლიციას მას შემდეგ დაუკავშირდა, რაც კაცი მანქანიდან გადავიდა.

გამოძიება საქართველოს სისხლის სამართლის კოდექსის 126¹ მუხლის 1-ლი ნაწილითა და 11¹ 151-ე მუხლის მე-2 ნაწილის "დ" ქვეპუნქტით მიმდინარეობს, რაც ოჯახში ძალადობასა და ოჯახის წევრის მიმართ მუქარას გულისხმობს. დანაშაული 3 წლამდე ვადით თავისუფლების აღკვეთას ითვალისწინებს.