შინაგან საქმეთა სამინისტროს ინფორმაციით, ქარელში, საკუთარ შვილიშვილზე ფიზიკური ძალადობის ბრალდებით 80 წლის კაცი დააკავეს.

უწყების ინფორმაციით, ბრალდებულმა ფიზიკურად 14 წლის ბავშვზე იძალადა. ბავშვმა ძალადობაზე ინფორმაცია მიაწოდა სოციალურ მუშაკს, რომელმაც აღნიშნულის შესახებ პოლიციას შეატყობინა.

საქმეზე გამოძიება საქართველოს სისხლის სამართლის კოდექსის 126-ე პრიმა მუხლის მეორე ნაწილის "ა ქვეპუნქტით მიმდინარეობს, რაც წინასწარი შეცნობით არასრულწლოვნის მიმართ ჩადენილ ოჯახში ძალადობას გულისხმობს. დანაშაული 1-დან 3 წლამდე ვადით თავისუფლების აღკვეთას ითვალისწინებს.