2020 წლის იანვრიდან 22 მაისის ჩათვლით საქართველოში კორონავირუსის 15 კლასტერი გამოვლინდა. ამის შესახებ COVID-19-ის წინააღმდეგ საქართველოს მთავრობის მიერ გატარებული ღონისძიებების ანგარიშშია საუბარი.

როგორც დოკუმენტში ვკითხულობთ, ერთ კლასტერში შემთხვევების მაქსიმალური რაოდენობა 40 იყო, დიდი რაოდენობით კი თეთრიწყაროს, ბოლნისის და ქობულეთის კლასტერები გამოიყოფა. ამასთან, საანგარიშო პერიოდში 3 500-ზე მეტი კონტაქტი გამოიკვლიეს.

4 ივნისის მონაცემებით, საქართველოში კორონავირუსის კიდევ ერთ ადამიანს დაუდასტურდა, გამოჯანმრთელებულთა რაოდენობა კი 4-ით გაიზარდა. ამის შესახებ ინფორმაცია stopcov.ge-ზე ცოტა ხნის წინ განახლდა.

ჯამში, ბოლო მონაცემებით, საქართველოში კორონავირუსი დაუდასტურდა 801 ადამიანს, მათ შორის გამოჯანმრთელებულია 644, ხოლო გარდაცვლილია 13 ადამიანი. ამ დროისთვის კარანტინის რეჟიმში 2424 ადამიანია, სტაციონარში მეთვალყურეობის ქვეშ 304.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: