საკარანტინე ზონებისთვის სახელმწიფო ბიუჯეტიდან 32,5 მილიონი ლარი დაიხარჯა. ამის შესახებ COVID-19-ის წინააღმდეგ საქართველოს მთავრობის მიერ გატარებული ღონისძიებების ანგარიშშია საუბარი. დოკუმენტის საანგარიშო პერიოდად 2020 წლის იანვარი-22 მაისია განსაზღვრული.

მოქალაქეების ტრანსპორტირებასა და გრძელ მანძილებზე კვებას მთავრობა უზრუნველყოფდა. ამასთან, უზრუნველყოფილი იყო სასტუმროების პერსონალის სპეციალური სამედიცინო აღჭურვილობით მომარაგება და სხვა საჭირო აქტივობები.

როგორც ანგარიშშია აღნიშნული, საკარანტინო ზონებისთვის სასტუმროების დაჯავშნა 10 მარტიდან დაიწყო. საგანგებო მდგომარეობის გამოცხადებამდე სასტუმროს ნომრის ღირებულება ყოველ ჯერზემოლაპარაკების საგანი იყო.

21 მარტიდან კი პროექტში ჩართული ყველა სასტუმროსთვის ერთიანი ტარიფი ამოქმედდა: სასტუმროს ნომრის ღირებულება — 59 ლარი, საიდანაც სამჯერად კვებაზე ფიქსირებული ტარიფი ყოველი სასტუმროსათვის შეადგენს 25 ლარს.

ანგარიშში ვკითხულობთ, რომ 22 მაისის მდგომარეობით 84 სასტუმროს 6 500-ზე მეტ ოთახში სავალდებულო კარანტინი 19 002 ადამიანმა დაასრულა.