ევროპული საქართველოს ერთ-ერთი ლიდერი, გიგა ბოკერია ამბობს, რომ ხელისუფლება მოქალაქეებს ისე ესაუბრება, როგორც ცუდი ძიძა — "ჩვენ თქვენზე უკეთ გადავწყვეტთ თქვენი ფული როგორ დავხარჯოთ".

ასე აფასებს დეპუტატი კორონავირუსის პანდემიით გამოწვეული პრობლემების გადაჭრის მთავრობისეულ ხედვას. ბოკერია აღნიშნავს, რომ მთავრობას სურს მოქალაქეებს ისე მოეპყროს, როგორც ივანიშვილი მათ, მაგრამ "არ გამოვა ეს ამბავი".

"ეს ხალხი აგრძელებს როგორც ცუდი ძიძა, ისე საუბარს ჩვენს მოქალაქეებთან — ჩვენ თქვენზე უკეთ გადავწყვეტთ თქვენი ფული როგორ დავხარჯოთ, გადასახადებს არ დაგიწევთ, თქვენს ფულს არ დაგიბრუნებთ, იმიტომ, რომ ჩვენ თქვენზე უკეთ ვიცით, როდის უნდა მოიხმაროთ. ასეთ კრიზისში მყოფ მოსახლეობას ეუბნებიან, გადასახადებს არ დავწევთო და იტყუებიან, ისედაც დაბალი გვაქვსო. რომც დაბალი გვქონოდა, როცა ასეთ დარტყმას მიიღებენ, არ უნდა შეუმქსუბუქონ მოქალაქეებს წნეხი? თუ ამათ უკეთ იციან, ვის რამდენით დაეხმარონ. ივანიშვილი როგორც ამათ ეპყრობა, ისე უნდათ მოგვეპყრონ ჩვენ და არ გამოვა ეს ამბავი", — თქვა ბოკერიამ.

მისივე თქმით, ევროპულმა საქართველომ დათვალა მთავრობის ტყუილები და ეს ინტეპრეტაცია არ არის.

"ვინ იყო ეგეთი ბრიყვი, რომ ილუზია ჰქონდა, ამ პარლამენტში, მათ შორის იქ, სადაც ევროპული საქართველო არსებობს, ეგეთი ტყუილები დაუშვს და ეგონოს, რომ ამას ვერავინ შეამოწმებს", — აღნიშნა მან.

საქართველოს პარლამენტში პრემიერმინისტრი გიორგი გახარია და მთავრობის რამდენიმე წევრი დეპუტატების შეკითხვებს ინტერპელაციის წესით პასუხობენ.