თბილისის მერის კახა კალაძის თქმით, პრემიერმინისტრმა გიორგი გახარიამ პარლამენტში გამოსვლის დროს ოპონენტებს "შესაბამისი ადგილი მიუჩინა". ჟურნალისტმა მერს ჰკითხა, რას ფიქრობდა ის გიორგი გახარიას ფრაზაზე "შეიძლება ვიღაცამ ვიღაცას ქართულ ჯიგრულ პონტში რამე, მაგრამ რა კორუფცია".

"ჩემი პასუხი იქნება, რომ პრემიერმა ოპონენტებს გუშინ შესაბამისი ადგილი მიუჩინა და საზოგადოებამ ეს ძალიან კარგად ნახა", — უპასუხა კახა კალაძემ.

27 მაისს გიორგი გახარია პარლამენტის წინაშე ანგარიშით წარსდგა, რომელიც კორონავირუსის პანდემიის დროს მთავრობის ქმედებებს ეხებოდა. ანგარიში წარდგენა და მათ შორის კითხვა-პასუხის რეჟიმში დაახლოებით 12 საათს გაგრძელდა.