პრემიერმინისტრის, გიორგი გახარიას თქმით, 28 მაისს საქართველოში კორონავირუსით ინფიცირებული 3 ახალი შემთხვევიდან 2 სამედიცინო სფეროს წარმომადგენელია. ამ თემაზე მან დეველოპერული სექტორის ანტიკრიზისული გეგმის პრეზენტაციის დაწყებამდე ისაუბრა.

"დღეს საქართველოში გვყავს 3 ახალი ინფიცირებული ადამიანი, აქედან, სამწუხაროდ, 2 არის სამედიცინო სფეროს წარმომადგენელი და ერთი გადამზიდავი ავტომობილის მძღოლი, რომელიც შემოვიდა ჩვენი ერთ-ერთი მეზობელი ქვეყნიდან", — თქვა გიორგი გახარიამ.

პრემიერმა აღნიშნა, რომ ვირუსის კონტროლის ხარისხი დამოკიდებულია იმაზე, თუ როგორ იქცევიან მოქალაქეები.

ბოლო მონაცემებით, საქართველოში კორონავირუსით ინფიცირებულთა რიცხვი 3 შემთხვევით, 738-მდე გაიზარდა. ასევე, 16 ადამიანით გაიზარდა გამოჯანმრთელებულთა რაოდენობაც და საერთო რიცხვმა 573-ს მიაღწია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: