ეროვნული ბანკის მიერ გამოქვეყნებული ოფიციალური მონაცემების მიხედვით, 26 ნოემბრის მდგომარეობით, ერთი დოლარის ფასი 2,5026 გახდა, მაშინ როდესაც 25 ნოემბერს მისი ფასი 2,4852 იყო, ხოლო ცვლილებამ 0,0174 შეადგინა.

ეროვნული ვალუტა გაუფასურდა ასევე ევროსთან მიმართებაშიც და მისი ფასი 2,6505 გახდა, ერთი დღით ადრე კი, ერთი ევრო 2,6259 ლარი ღირდა.

ლარის კურსმა ისტორიულ მაქსიმუმს გადააჭარბა. ეროვნული ვალუტის გაუფასურების ისტორიული მაქსიმუმი 2016 წლის 22 იანვარს იყო, როცა ლარის ოფიციალური გაცვლითი კურსი დოლართან მიმართებაში 2.4694 ლარი გახდა.