საპარლამენტო უმრავლესობის ლიდერის, გია ვოლსკის განცხადებით, თუ არის რაიმე, რასაც ოპონენტები სამართლებრივი ნორმებიდან გადახრად მიიჩნევენ, საკონსტიტუციო სასამართლო ის ადგილია, სადაც ამ თემაზე უნდა იმსჯელონ.

ასე დეპუტატი ოპოზიციის განცხადებას ეხმაურება, რომლებიც გეგმავენ შეზღუდვების კანონი საკონსტიტუციოში ერთობლივი სარჩელით გაასაჩივრონ.

"მოქალაქეების გადაადგილების, მათი უფლებების შეზღუდვა არაა გამოწვეული რაღაც მოსაზრებით ან სუბიექტური გადაწყვეტილებით, ეს გამოწვეულია საგანგაებო ვითარებით", — აღნიშნა ვოლსკიმ.