ტრიო მანდილი რუსეთის დედაქალაქ მოსკოვში გასტროლებზე იმყოფება. ქართულმა ტრიომ რუსული მედიის განსაკუთრებული ყურადღება დაიმსახურა. როგორც ჯგუფის ფეისბუკ პოსტებიდან ირკვევა, ისინი არაერთი რუსული ტელე-რადიო შოუს სტუმრები იყვნენ, მათ შორის NTV-ს გადაცემა Comedy Club-ში.

ტრიომ რამდენიმე დღის წინ თავის ოფიციალურ გვერდზე გააზიარა NTV-ს გადაღებული ვიდეო, სადაც ჩანს, როგორ მღერიან მოსკოვის ცენტრში, კრემლთან, გამვლელები კი მათთან სელფებს იღებენ.

ტრიო მანდილის ამ ვიდეოს ქართველ ინტერნეტ მომხარებლებში არაერთგვაროვანი რეაქცია მოჰყვა, ნაწილი მათ საქციელს უწონებს, ნაწილი კი კიცხავს კრემლის ფონზე სიმღერისთვის.