"ონლაინ შოპინგი 21-ე საუკუნის ადამიანის პრივილეგიაა" — კომპანია ზერეს ისტორია ზუსტად ამ დევიზით 2008 წელს ფორუმზე ინტერნეტით შეძენის გზამკვლევისა და 2010 წელს კი საინფორმაციო ვებგვერდის www.zere.ge დაარსებით დაიწყო. შემდგომ გავრცელდა, ინტერესი მოიპოვა, რუსულ ენაზე ითარგმნა აზერბაიჯანელი მომხმარებლისთვის (camex.az) და ბევრი ქართველისა და სხვა ეროვნების ონლაინ შოპერისთვის "სამაგიდო" ვებგვერდადაც იქცა. გადამზიდავ კომპანიათა უმეტესობა ZERE-ს ონლაინ მაღაზიების კატალოგით სარგებლობდა.

ინტერნეტ ვაჭრობის და ელ. კომერციის პოპულარიზაციასთან ერთად 2018 წელს დაფუძნდა უკვე ადგილობრივი ორენოვანი (ქართული და ინგლისური) ონლაინ მაღაზია — www.zereshop.ge, რომლის ძირითადი მიზანიც საქართველოს მოსახლეობისთვის სუფთა, უმინარევო ნატურალური კოსმეტიკური ზეთების/კარაქების, ჰიდროლატების, თიხის, სხეულის/სახის/თმის/ ფრჩხილის მოვლის ბუნებრივი, უსაფრთხო საშუალებების მიწოდება გახდა. პროდუქციის მოძიება მიმდინარეობს მსოფლიოს ეკოლოგიურად ყველაზე სუფთა ტერიტორიებიდან და თანაც ნედლეული უმეტეს შემთხვევაში კონკრეტული ქვეყნისთვის ენდემურია (შიის კარაქი განადან, არგანის ზეთი/თიხა/ნატურალური წყალი/შაბის ბუნებრივი ანტიპერსპირანტი, შავი საპონი მაროკოდან, ზეითუნისა და ფიჭის საცხები საბერძნეთიდან). გარდა ამ უნიკალური ნაწარმისა ZERESHOP წარმოგიდგენთ სამკაულს, აქსესუარებს, კოსმეტიკასა და სუვენირებსაც.

ონლაინ შოპინგის ყველაზე დიდი პლიუსი ის არის, რომ იგი არ საჭიროებს სადმე გასვლას, ტრანსპორტირებაში ან საწვავისთვის ზედმეტად დახარჯვას ან დღის კონკრეტულ მონაკვეთს შეძენის განსახორციელებლად. ეს არის სრულყოფილი კომფორტი იშოპინგო როდესაც გინდა და სასურველი ნივთი საქართველოს ნებისმიერ წერტილში მხოლოდ რამდენიმე ღილაკის დაჭერით ადგილზე მიიღო.

ZERESHOP-ზე შეძენა სტანდარტული ელექტრონული მაღაზიის პრინციპით ხდება. ინტერნეტმაღაზიის zereshop.ge/zereblog-ის ზედა მენიუში განთავსებულ საინფორმაციო ბლოგში რეგისტრაცია-შეძენის ყველა ნაბიჯი დეტალურად და თანმიმდევრობით, დართული ილუსტრაციებით არის აღწერილი. თითოეულ შესაბამის პროდუქტს გვერდით ან ქვემოთ სურათები, აღწერა და საჭიროებისამებრ სრული ანოტაცია ერთვის. დათვალიერება, შერჩევა და ყიდვა შესაძლებელია როგორც კომპიუტერი/ლეპტოპიდან, ასევე ნებისმიერი პლანშეტის ან სმარტფონის საშუალებით.

ონლაინ მაღაზიას აქვს ასევე სასაჩუქრე ბარათიც. თუ არ იცით ადრესატის გემოვნება ან რა მოეწონება, უბრალოდ შეიძინეთ და გაუგზავნეთ სასაჩუქრე ბარათი თანხით, ელექტრონულ ფოსტაზე. მიღების შემდეგ ადრესატი ონლაინ შეძენისას მიუთითებს თქვენგან ნაჩუქარ და გადაგზავნილ ციფრულ კოდს, რომელიც კონკრეტულ თანხას ჩამოაკლებს ან გაუნულებს.

ონლაინ შოპინგი უსაფრთხოა, რადგან გადახდის თითოეული ეტაპი ოფიციალურად ფიქსირდება და ყველა მხარე მაქსიმალურად დაცულია. გადახდის ეტაპზე გვერდი გადადის ბანკის დაცულ სერვერზე, რომლის შიფრაციაც საერთაშორისო სტანდარტებს შეესაბამება და ყველა მონაცემი არის კოდირებული. გადახდის ინფორმაციას ხედავს და ამუშავებს მხოლოდ მიმწოდებელი და მიმღები ბანკი.

შეძენილი ნაწარმის მიტანას ოფიციალური ექსპრეს საკურიერო სერვისი სმარტ ექსპრესი zereshop.ge-ს გზავნის სექციაში zereshop.ge/shipping მითითებული ტარიფებისა და ვადების ფარგლებში დროულად და ხარისხიანად ახორციელებს.

მთავარია რეგისტრაციისა და შეძენის ყველა პირობა ზედმიწევნით ზუსტად იქნას დაცული, რათა შეკვეთის დამუშავებასა და მიწოდებაში შეფერხება არ გამოიწვიოს.

ყველა სხვა შესაძლო კითხვაზე ამომწურავ პასუხს ონლაინ მაღაზიის ხშირად დასმული კითხვების სექციაში იხილავთ.

www.zereshop.ge - მოაქციე სურვილები ერთ კალათში, თავდაპირველი მარტივი რეგისტრაციის შემდეგ შეძენას ბევრად უფრო ნაკლები წკაპით და მოკლე დროში შეძლებ.