ევროპალრამენტარი, ანდრიუს კუბილიუსი ამბობს, რომ საქართველოს შეუძლია ევროკავშირისთვის აღმოსავლეთ პარტნიორობის სამაგალითო ქვეყანა გახდეს. ამის შესახებ მან ევროპარლამენტის საგარეო საქმეთა კომიტეტის სხდომაზე განაცხადა, სადაც საქართველოს ევროკავშირთან ასოცირების ხელშეკრულების შესრულების ანგარიში განიხილება.

მისი თქმით, საპარლამენტო არჩევნები საქართველოსთვის დიდი გამოწვევაა და მნიშვნელოვანია, რომ ის თავისუფალ გარემოში და გამჭვირვალედ ჩატარდეს.

კუბილიუსმა აღნიშნა, რომ საქართველოს პრეზიდენტის მიერ გადადგმული ნაბიჯი 8 მარტიის შეთანხმების იმპელემენტაციის პერსპექტივას იძლევა.

მინდა ხაზი გავუსვა,შეთანხმების მიღწევაში ფასილიტატორების, მათ შორის ევროკავშირის ელჩის კარლ ჰერცელის როლს. ვფიქრობ სწორედ ეს არის, თუ როგორ ეხმარება ევროკავშირი იმ ქვეყნებს, რომლებსაც გარკვეული სახის პოლიტიკური კრიზისი აქვთ", — განაცხადა კუბილიუსმა.