საჩუქრის გაკეთებისას ყველას გვინდა, რომ მეგობარს ან სიურპრიზის ადრესატს სახეზე ღიმილი მოვგვაროთ. ამიტომ, ნებისმიერი შერჩეული ნივთი პოზიტიურ ემოციას უნდა აღძრავდეს.

ორიგინალური საჩუქრების მოფიქრებისას ყოველთვის დრო არ გვყოფნის, ან უბრალოდ არ გამოგვდის და იდეებით დახმარება გვჭირდება. სწორედ ამისთვის არსებობს Oinbuzz — არასტანდარტული პროდუქტების ონლაინ მაღაზია, სადაც ისეთ ნივთებს აღმოაჩენთ, რომლებიც ერთხელ მაინც გინახავთ სერიალებში ან უცხოურ საიტებზე და გიფიქრიათ — "ნეტავ ასეთები საქართველოშიც იყიდებოდეს".

"სამიზნე აუდიტორია თანამედროვე აზროვნების მქონე ადამიანია. ის ვისაც ყელში ამოუვიდა ტვინის ჭყლეტა თუ რა ორიგინალური საჩუქარი აჩუქოს მეგობარს. სურს საჩუქარი იყოს განსხვავებული, ადრესატისთვის ემოციის მიმნიჭებელი და თან ბევრი დრო და ენერგია არ დაკარგოს მის ძებნაში", —გვეუბნებიან ოინბაზის დამფუძნებლები ლაშა მონასელიძე და მიშა დვალიშვილი.

ასე რომ, თუ თვითიზოლირებული მეგობრის გაოცება და გახარება გსურს, ამაში ოინბაზი დაგეხმარება. მიწოდების სერვისი უფასოა და გუნდი უსაფრთხოების ნორმებსაც მაქსიმალურად იცავს.

ჩვენ კი შევეცადეთ, სხვანაირი საჩუქრების შერჩევაში თქვენთან ერთად ჩავერთოთ:

1. გამოიცანი რა ვთქვი

ამ თამაშის დროს შენ და შენი მეგობრები ძალიან გაერთობით, იმის მიუხედავად, რომ ერთმანეთის ნათქვამი ვერცერთი სიტყვა შეიძლება ვერ გაიგოთ. მის დროს კბილებზე იკეთებ ე.წ. სტომატოლოგიურ აქსესუარს და ცდილობ პარტნიორს მიახვედრო, რისი თქმა გსურს.

2. მაგიდის მსხალი

თვითიზოლაცია ნერვებზე არც ისე კარგად მოქმედებს, ამიტომ, განმუხტვისთვის ეს საუკეთესო საჩუქარია. "მაგრდება მაგიდაზე მყარად და მერე უტყაპუნე რამდენიც გინდა. ნერვებმოშლილზე რომ წყვეტ, მაგაზე მაგარი არაფერია", — გვირჩევენ ოინბაზები.

3. ტესლას ბურთი

ეს საჩუქარი რომანტიკულიც შეიძლება იყოს, რადგან როდესაც მას საღამოს ადრესატი ჩართავს, აუცილებლად გაახსენდები. ჯადოქრობით შენიღბული ლამაზი ფიზიკა აუცილებლად გააოცებს, როცა ჩართულს თითს დაადებს.

4. ზურგსაფხანი ფოცხი

ეს საჩუქარი შეგიძლიათ საკუთარ თავს უყიდო და სულ თან გქონდეს. და როცა მეგობარი ან ოჯახის წევრი ზურგის მოფხანვას გთხოვს, მიაწოდო და თავად მიაგნოს "ცოტა მაღლა და მარცხნივ" წერტილს, რომელსაც შენ ვერასდროს პოულობ.

5. ელექტრო ყულაბა

ეს შეგიძლია პატარა მეგობარს გაუგზავნო, რომელსაც დიდი ნატვრა აქვს და ფულის შეგროვება აქვს გამიზნული. საკმარისია, კატისთვის გამიზნული თევზის ადგილზე მონეტა მოათავსოს, რომ მოუსვენარი ცხოველი მაშინვე მიიტაცებს მას და სათავსოში მოუძებნის ადგილს.

6. ფეხსასვენებელი

ბინაში გამოკეტილ მეგობარს შეგიძლია ეს ციცქნა ჰამაკი გაუგზავნო, რომელსაც სამუშაო მაგიდის ქვემოთ მოათავსებს და ფეხებს დაასვენებს.

7. მაყუთის სასროლი

ამ "იარაღს" ლიცენზია არ სჭირდება და თუ მამაცი ხარ, ის შენს უფროსს უნდა აჩუქო, იქნებ მიხვდეს და ხელფასი მოგიმატოს?

8. ტვისტერი

რამდენ სერიალში გინახავს, რომ მეგობრები ამ "ჩახლართული" თამაშით ერთობიან? თავში პირველი ალბათ Friends მოგივა. ეს საჩუქარი იმ მეგობრისთვისაა, რომლის სახლშიც ყველაზე ხშირად იკრიბებით.

9. საწკაპუნო ნერვოზიანებისთვის

ამ კვადრატს ყველა მხარეს აქვს რაღაც საინტერესო შენი ან შენი მეგობრის თითისთვის. ეს საჩუქარი იმ თანამშრომელს ან მეგობარსაც შეიძლება აჩუქო, რომელიც კლავიატურაზე თითებს გიჟივით ურტყამს, ან კალამის წკაპუნში მთელი ოთახის ხმას ფარავს. ამ კუბიკით თამაშ-თამაშში ისე დამშვიდდება, რომ ვერც კი მიხვდება.

10. მთვრალი რულეტკა

ეს საჩუქარი იმ მეგობრებისთვისაა, რომელთა თავშეყრა სასმელის გარეშე წარმოუდგენელია. აღარ იცით, რომელი სასმელი აირჩიო? მთვრალი რულეტკა დაგეხმარება — მისი ჭიქები ფერებისა და რიცხვების მიხედვითაა განაწილებული და თუ შენი ჭიქის შესაბამისი რიცხვი ამოვიდა, გადაკარი და ეგ არის.

სტატია მომზადებულია მცირე ბიზნესების ხელშეწყობის ინიციატივის ფარგლებში, რომელიც On.ge-მ კორონავირუსის შედეგად დაზარალებული მცირე და საშუალო კომპანიების, გართობის ინდუსტრიის წარმომადგენლების, ქართული სტარტაპების ბაზარზე ღირსეულად დაბრუნების მიზნით წამოიწყო. ინიციატივის შესახებ გაიგეთ მეტი ამ სტატიიდან.