საქართველოს საგანგებო სიტუაციების მართვის სამსახურს აშშ-ს საერთაშორისო განვითარების სააგენტომ (USAID) საველე კარვები გადასცა. საგანგებო სიტუაციების სამსახურის პრესრელიზში ნათქვამია, რომ კარვების მოცულობა 40 და 20 კვადრატული მეტრია და ორივე მათგანი აღჭურვილია გათბობის სისტემით. კარვებში, ასევე, შესაძლებელია საველე ჰოსპიტალის მოწყობაც.

კარვებს საგანგებო სიტუაციების მართვის სამსახური, მთელი საქართველოს მასშტაბით, სხვადასხვა სახის სახანძრო და სამაშველო ოპერაციების შესრულებისას გამოიყენებს. პროექტი "ზრდა საქართველოში" და მისი პარტნიორი - "ასოციაცია სამხარეო განვითარება მომავალი საქართველოსთვის“ (RDFG) მხარდაჭერით განხორციელდა.