დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

თბილისის ინფექციური საავადმყოფოს კლინიკური დირექტორის, მარინა ეზუგბაიას თქმით, კორონავირუსით ინფიცირებული 5 ახალი პაციენტიდან ყველა საკარანტინე სივრცეში იმყოფებოდა და მათი ინფიცირების წყარო ცნობილია.

მისივე განმარტებით, დღეს მათ ახალი გამოჯანმრთელებული არ ჰყავთ და ამ ეტაპზე მათ კლინიკაში 33 პაციენტია.

"მძიმე პაციენტების სტრუქტურაც შეგვეცვალა. ერთი კრიტიკული პაციენტი გვყავს, რომელსაც გახსენებთ თქვენ ყოველდღე და შეგვიძლია ვთქვათ, რომ დღესაც სტაბილური სიტუაცია, მაგრამ ჯერ პროგნოზზე ვერ ვილაპარაკებ. მძიმე პაციენტები აღარ გვყავს.ძირითადი პაციენტები საშუალო სიმძიმის არიან", — განაცხადა ეზუგბაიამ.

ბოლო მონაცემებით, საქართველოში კორონავირუსით ინფიცირების კიდევ 5 შემთხვევა გამოვლინდა და ჯამში ინფიცირებულთა რიცხვი 652 გახდა. მათგან გამოჯანმრთელებულია 383 ადამიანი და გარდაცლილია 12.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: