თბილისის ინფექციური საავადმყოფოს ინფექციური საავადმყოფოს დირექტორმა, თენგიზ ცერცვაძემ თვქა, რომ კრიტიკულ პაციენტთან გამოჯანმრთელებული პაციენტის პლაზმა გამოიყენეს. მისი თქმით, ეს პაციენტი ერთ-ერთი ყველაზე მძიმე იყო.

როგორც ცერცაძე ამბობს, აღნიშნული პაციენტი ჯერ კრიტიკული მდგომარეობიდან გამოსულად არ ითვლება და უფრო ზუსტ ინფორმაციის ორ-სამ დღეში, როცა ან კრიტიკული პერიოდი გაივლის და ის გამოჯანმრთელდება, ან შედეგი იქნება არასასურველი, მაშინ გაავრცელებს.

"დიახ, კრიტიკულ პაციენტზე ჩვენ გამოვიყენეთ ერთხელ გამოჯანმრთელებული პაციენტის პლაზმა. ხშირად გესმოდათ, რომ ინფექციურ საავადმყოფოში წევს ერთი კრიტიკული პაციენტი, 83 წლის ქალბატონი, რომელსაც ჰქონდა მძიმე პნევმონია, გიპერტონული დაავადება და შაქრიანი დიაბეტი აქვს. ეს ერთ-ერთი ყველაზე მძიმე პაციენტი იყო. ის ჟანგბადდამოკიდებულიც იყო, მართალია ინტუბირებული არ იყო, მაგრამ სისტემატურად სჭირდებოდა ჟანგბადის მიწოდება. ჩვენ გამოვიყენეთ პლაზმის გადასხმა ორჯერ და ასევე გამოვიყენეთ ძლიერმოქმედი მედიკამენტი ტოცილიზუბაბი", — განაცხადა ცერცვაძემ საზოგადოებრივი მაუწყებლის ეთერში.