თბილისი ინფექციური საავადმყოფოს დირექტორი, თენგიზ ცერცვაძე ამბობს, რომ თუ კიდევ რაღაც "სისულელეს" არ ჩაიდენენ და თავყრილობებს არ მოაწყობენ, მაშინ შეიძლება ითქვას, რომ კოვიდინფექციის შემოტევის პირველი ეტაპის დაძლეულია.

მისი თქმით, ახლა ქვეყანა პიკზე იმყოფება და თუ დაინფიცირებულთა რაოდენობა ისეთი თანაბარი ტენდენციით გააგრძელებს ზრდას, როგორიც ახლაა, მაშინ პიკს პლატოს სახე ექნება.

"გარანტირებულად ვერ გეტყვით, მაგრამ ბოლო დღეები მიუთითებს იმაზე, რომ თუ კიდევ რაღაც სისულელე არ ჩავიდინეთ და სადღაც რაღაცა არ ვქენით, ვთქვათ, არ მოვაწყვეთ თავყრილობა და იქ სადავეები არ გაგვექცა ხელიდან და გაგრძელდა ის ტენდენცია, რაც ახლაა, მაშინ, სავარაუდოდ, ახლა ვიმყოფებით პიკზე. პლატოს სახე ექნება და იქნება თანაბარი რაოდენობა და წესით არ უნდა იქნეს მატება. თუ იქნება მატება, ეს იქნება მცირე, ერთი ათეული, ორი ათეული. მე პირადად მგონია, რომ ორ ათეულზე მეტი, თუარ დავუშვით ისეთი შეცდომები, როგორიც იყო: ბოლნისის, მარნეულის, თეთრიწყაროს, ქობულეთში ან ლენტეხში, სადაც 50-კაციანი სუფრა გამართეს, თუ ესეთი არ იქნა, მე მგონია, რომ ჩვენ კოვიდინფექციის პირველი და ყველაზე მძლავრი შემოტევა დავძლიეთ მინიმალური დანაკარგით", — განუცხადა ჟურნალისტებს ცერცვაძემ.