აშშ-ის ელჩის, კელი დეგნანის განცხადებით, ამერიკის დაავადებათა კონტროლის ცენტრი დამატებით 3 მილიონ დოლარს გამოყოფს საქართველოსთვის Covid-19-ის წინააღდეგ საბრძოლველად.

იანვრის თვიდან ამერიკის NCDC ეხმარება საქართველოს დაავადებათა კონტროლის ეროვნულ ცენტრსა და ჯანდაცვის სამინისტროს პანდემიისთვის მომზადებასა და მასზე რეაგირებაში. დეგნანის განცხადებით, ერთად განხორციელებულ აქტივობებს შორისაა: ჯანდაცვის მუშაკთა ტრენინგები შემდეგ საკითხებზე: პერსონალური დამცავი აღჭურვილობის გამოყენება , ინფექციის პრევენცია და კონტროლი, Covid-19-ის საეჭვო შემთხვევების კვლევა. ასევე, ტექნიკური დახმარება პაციენტთა მართვისა და ნაკადების სისტემის კუთხით სამედიცინო დაწესებულებებში ვირუსის გავრცელების რისკის შესამცირებლად და საველე ეპიდემიოლოგების ტრენინგი.