Momxmarebeli.ge-ს ინფორმაციით, ლაბორატორიულად დადასტურდა, რომ ათი შემოწმებული სათამაშოდან ცხრაში აღმოჩნდა დიდი ოდენობით მავნე ნივთიერება დი-2 ეთილჰექსილფტალატი (DEHP), რომელიც ბავშვთა ჯანმრთელობისთვის საზიანოა.

მათივე განცხადებით, 2016 წლის 31 ოქტომბერს თბილისის რამდენიმე მაღაზიაში შეძენილი 10 სხვადასხვა ტიპის თოჯინა გერმანიაში გაგზავნეს, სათამაშოების უსაფრთხოების შემმოწმებელ ლაბორატორიაში.

შემოწმებულ სათამაშოებს შორისაა:

  • თოი ლენდი, თბილისი, ვაჟა-ფშაველას გამზ. 27, - Magic Girl;
  • თოი ლენდი, თბილისი, ვაჟა-ფშაველას გამზ. 27, - My lovely Merry, Likability Pony;
  • ცეროდენა, თბილისი, ყაზბეგის გამზ. 20, - My Little Princess, Pop Girl, Fashion show;
  • გუდვილი, თბილისი, ქავთარაძის ქ. 1, - Sairy Series;
  • გუდვილი, თბილისი, ქავთარაძის ქ. - Dones, Barbie, The Mermaid Princess;
  • ბანა თოის, თბილისი, ვაჟა-ფშაველას გამზ. 13, - Fashion Beautiful;
  • ოცნების სამყარო, თბილისი, ყაზბეგის გამზ. 36, - Fashion, My First;
  • ოცნების სამყარო, თბილისი, ყაზბეგის გამზ. 36, - Frozem;
  • ჰობი მასტერი, თბილისი, გამსახურდიას გამზ. 33, - Feibi, Fashion Girl;
  • ანვოლ, თბილისი, ქავთარაძის ქ. 1 - Evi love Ballet.

Momxmarebeli.ge-ს ცნობით, DEHP ნივთიერება პლატსმასის დამარბილებელია, რომელიც მათივე განმარტებით, საკმაოდ ხშირად გამოიყენება ტექნიკური დანიშნულების რბილ პლასტმასებში:

"სათამაშოებში მისი გამოყენება ევროკავშირში აკრძალულია, დაშვებული შემცველობაა არა უმეტეს 1მგ/გ. საქართველოში ეს შეზღუდვა დაწესებული არ არის".