თბილისის წიგნის საერთაშორისო მეთვრამეტე ფესტივალი 26-29 მაისს გაიმართება. საქართველოს წიგნის გამომცემელთა და გამავრცელებელთა ასოციაციის ინფორმაციით, ფესტივალი ექსპო ჯორჯიას მე-11 პავილიონში გაიმართება და ყოველდღე 11:00-დან 20:00სთ-მდე გაგრძელდება.

ფესტივალის ოფიციალური გახსნის ცერემონია 26 მაისს მე-11 პავილიონის მთავარ სცენაზე გაიმართება.

ორგანიზატორების განცხადებით, ფესტივალი ოთხი დღის განმავლობაში მუდმივად დატვირთული იქნება სხვადასხვა ტიპის ღონისძიებით.

ღონისძიების ოფიციალური მხარდამჭერია საქართველოს კულტურისა და ძეგლთა დაცვის სამინისტრო და თბილისის კულტურული ღონისძიებების ცენტრი.