დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

პირველი საუნივერსიტეტო კლინიკის კლინიკური დირექტორის, ლალი ტურძელაძის თქმით,კორონავირუსით გარდაცვლილი მეშვიდე პაციენტის ცოლიც კორონავირუსითაა ინფიცირებული და მათ კლინიკაში მკურნალობს.

მისივე ინფორმაციით, ქალის მდგომარეობა უმძიმესია.

"მისი მეუღლე ჩვენთან წევს. უმძიმესია ისიც, ასაკოვანი ქალბატონია. მასაც აღენიშნება თანმდევი ქრონიკული დაავადებები და ისიც რეანიმაციულ განყოფილებაში იმყოფება ჩვენთან. მაგრამ ისეთი მძიმე, როგორიც გარდაცვლილი მამაკაცი იყო, არ არის", - განაცხადა ლალი ტურძელაძემ პალიტრანიუსის ეთერში.

საქართველოში კორონავირუსით მეშვიდე ადამიანი, დღეს, პირველ მაისს გარდაიცვალა. იგი 83 წლის იყო და პირველ საუნივერსიტეტო კლინიკაში მკურნალობდა.

ამ დროისთვის საქართველოში კორონავირუსის დადასტურებული 566 შემთხვევაა. მათ შორის გამოჯანმრთელებული 207, ხოლო გარდაცვლილია 7 ადამიანი. კარანტინის რეჟიმში იმყოფება 5320 მოქალაქე, სტაციონარში მეთვალყურეობის ქვეშ — 548.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: