დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

გორის სამხედრო ჰოსპიტალის უმცროს მედდას გეგმიური PCR ტესტირებისას კორონავირუსი დაუდასტურდა. ამის შესახებ ინფორმაციას ჰოსპიტალი საკუთარ Facebook გვერდზე ავრცელებს.

"ექთანს ჰოსპიტალის ექიმებთან შესაბამისი აღჭურვილობის გარეშე კონტაქტი არ ჰქონია, თუმცა ამის მიუხედავად მასთან შემხებლობაში მყოფ პერსონალს ჩაუტარდა ტესტირება და ყველა მათგანის პასუხი უარყოფითია", — წერია ჰოსპიტალის განცხადებაში.

ჰოსპიტალი აღნიშნავს, რომ ჰოსპიტალის გარეთ მედდის ყველა კონტაქტი მოძიებულია და მათი კვლევა მიმდინარეობს.

ბოლო მონაცემებით, საქართველოში კორონავირუსით ინფიცირებულია 517 ადამიანი, მათგან გამოჯანმრთელებულია 178, ხოლო გარდაცვლილია 6. კარანტინის რეჟიმში 5 153 ადამიანია, სტაციონარში მეთვალყურეობის ქვეშ — 549.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: