ინფექციური საავადმყოფოს დირექტორის, თენგიზ ცერცვაძის თქმით,ბათუმში სამკურნალოდ ოზონოთერაპიის გამოყენებამ წინასწარი შედეგებით ძალიან წარმატებული მონაცემები აჩვენა.

"მათ 4 პაციენტზე გამოიყენეს ოზონოთერაპია და 3 პაციენტს ვირუსი გაუქრა მე-7 და მე-9 დღეს. თუ შემდგომში ეს ტენდენცია გაგრძელდა ეს საოცარია, ჩვენ პაციენტებს უკეთეს შემთხვევაში ვირუსი უქრებოდათ მე-13, მე-14 დღეს, ზოგს 21-ე დღეს და ზოგს შეიძლება სულაც ორი თვის შემდეგ. ოზონოთერაპია გულისხმობს ოზონის შეყვანას ადამიანის ორგანიზმში, სპეციალური მეთოდით, ინტრავენურად", — თქვა თენგიზ ცერცვაძემ.

ცერცვაძემ აღნიშნა, რომ პირველ საუნივერსიტეტო კლინიკაში ექიმებმა შეხვედრაზე ვირუსთან ბრძოლის გამოცდილებაზე, გამოწვევებსა და შედეგებზე ისაუბრეს. მისი თქმით, იქიმება სამკურნალოდ სხვადასხვა მედიკამენტების გამოყენებაზეც იმსჯელეს. მათ შორის იყო პლაქვენილი, რომელიც ქართულ პროტოკოლში რჩება. ცერცვაძის განმარტებით, მას საშუალო, მძიმე და განსაკუთრებით მძიმე პაციენტების მკურნალობისას იყენებენ.

ცერცვაძემ მედიასთან აღნიშნა, რომ საუნივერსიტეტო კლინიკაში სამედიცინო სფეროს წარმომადგენლების შეხვედრა ლევან რატიანის ინიციატივით გაიმართა. მათ ერთმანეთს გამოცდილება გაუზიარეს და ვირუსთან ბრძოლის სტატეგიაზე იმსჯელეს.

მარინა ეზუგბაიამ დღეს თქვა, რომ ბოლო 24 საათში 25 ახალი შემთხვევა აგრესიული ტესტირებისა და ბოლნისის კონტაქტების კვლევის შედეგია. ეზუგბაიას განცხადებით, იმედოვნებენ, რომ შემდგომ დღეებში ასეთი აგრესიული ტესტის გარეშე ჩატარდება ალბათ უკვე კვლევები და ეს მაჩვენებელი ასეთი არ იქნება.

ბოლო მონაცემებით, საქართველოში კორონავირუსით ინფიცირებულია, კორონავირუსის 456 დადასტურებული შემთხვევაა, მათ შორის 139 გამოჯანმრთელებულია, ხოლო 5 გარდაცვლილი. კარანტინის რეჟიმში 5 206 ადამიანი იმყოფება, სტაციონარში მეთვალყურეობის ქვეშ — 571.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: