2024 წლის წლის პირველი 8 თვის განმავლობაში ღვინის გაყიდვებით ქვეყანამ 16%-ით მეტი შემოსავალი მიიღო და 196 მლნ ათასი დოლარამდე შეადგინა. ამ პერიოდისთვის მსოფლიოში 67 604 ტონა ქართული ღვინო გავიდა, მაშინ როდესაც გასულ წლის პირველ 8 თვეში ექსპორტირებული ღვინის მოცულობა 58 696 ტონა იყო.

Bm.ge-ს მონაცემებით, ქართული ღვინის საექსპორტო მიმართულებებს შორის პირველ ადგილს კვლავ რუსეთი იკავებს. 8 თვეში ღვინის ექსპორტით მიღებულ შემოსავალში რუსეთის წილი 69.1%-ია. გასული წლის ამავე პერიოდში ეს მაჩვენებელი 66.1%-ს შეადგენდა.

რუსეთის გარდა ქართული ღვინო იყიდება პოლონეთში, უკრაინაში, ყაზახეთში, ჩინეთში, აშშ-ში, ბელარუსში და სხვა.

საექსპორტო ქვეყნების ხუთეული ასეთია:

  1. რუსეთი — $135.9 მლნ, 49 665 ტონა;
  2. პოლონეთი — $10 მლნ, 4 081 ტონა;
  3. უკრაინა — $7.8 მლნ, 2 847 ტონა;
  4. ყაზახეთი — $7.2 მლნ, 2 212 ტონა;
  5. ჩინეთი — $5.6 მლნ, 1 612 ტონა;