იტალიის ჩრდილოეთით მდებარე რეგიონში, ემილია-რომანიაში მოსახლეობის ევაკუაცია მიმდინარეობს. ემილია-რომანიასა და მარკეს რეგიონებში მომდევნო 24-36 საათის განმავლობაში შტორმის შესახებ გაფრთხილებაა გამოცხადებული.

ადგილობრივი მედიის ცნობით, რეგიონში დღეს ყველა სკოლა დახურულია. მოსახლეობას ურჩევენ, თავი შეიკავონ მგზავრობისგან და, შესაძლებლობის ფარგლებში, სახლიდან იმუშაონ.

კასტელ ბოლონიეზეს მერმა განაცხადა, რომ სიტუაცია "მნიშვნელოვნად აღემატება ყველაზე უარეს პროგნოზებს" და მოუწოდა რაიონის მცხოვრებლებს, გადავიდნენ თავიანთი სახლების ზედა სართულებზე. მეწყრების გამო რეგიონებში ჩაკეტილია გზებიც.