ჯანდაცვის მინისტრის თქმით, ეკონომიკის სამინისტროსთან ერთად მუშაობენ იმაზე, რომ ეკონომიკურ საქმიანობაზე შეზღუდვების ეტაპობრივად მოხსნა ეკონომიკაზე "დრამატულად არ აისახოს".

როგორც ეკატერინე ტიკარაძე ამბობს, მთავრობისთვის მნიშვნელოვანია, გახსნისა და დახშობის ეტაპები ერთმანეთთან თავსებადი იყოს და ერთის შენებით მეორე კომპონენტი არ დაანგრიონ.

"ჩვენ გვაქვს საკმაოდ კონკრეტული გეგმა ეკონომიკის გახსნასთან დაკავშირებით. ამასთან მუშაობს ჯგუფი და ეპიდემიოლოგები, ჯანდაცვის სამინისტროს დაქვემდებარებული ყველა უწყება მუშაობს ეკონომიკის სამინისტროსთან და ჩვენთან შეთანხმებით, ეკონომიკა დაგეგმავს იმ ღონისძიებებს, თუ როგორ მოხდება ეტაპობრივად ეკონომიური საქმიანობის გახსნა, რაც არ აისახება ისე დრამატულად ეკონომიკაზე, როგორც ეს არის მოსალოდნელი. ვინაიდან, ამ პრობლემატიკას, რა თქმა უნდა, ჩვენ თვითონაც ვიაზრებთ და ჩვენთვის მნიშვნელოვანია, რომ გახსნისა და დახშობის ეტაპები იყოს თავსებადი ერთმანთთან და ერთის შენებით არ დავანგრიოთ მეორე კომპონენტი", — თქვა ჯანდაცვის მინისტრმა.