მთავრობის ადმინისტრაციის ხელმძღვანელი, ნათია მეზვრიშვილი ამბობს, რომ ოპოზიციას პარლამენტში პრემიერის მისვლა შოუსთვის სჭირდებოდა და რადგან ამის საშუალება არ მიეცათ, ამიტომ უკმაყოფილოები იყვნენ.

მისი თქმით, ოპოზიციას შეეძლო კითხვებზე პასუხები მისგან მიეღო და ეს პასუხები მიიღეს, მაგრამ, მათ "სხვა მოტივაცია" ჰქონდათ.

"პრემიერ-მინისტრის იქ მისვლას ოპოზიცია ცოტა სხვა მიზნებით ითხოვდა, რათა იქ არ ყოფილა შინაარსობრივი დისკუსია და ჩემი სახით, წარმოდგენილი იყო ადამიანი, რომელსაც აბსოლუტურად ყველა დეტალზე აქვს ინფორმაცია, რომელიც უწყებათაშორისი საკოორდინაციო საბჭოს წევრია და ფლობს ინფორმაციას, როგორც ჯანდაცვის სექტორში არსებულ ვითარებაზე, ისე ნებისმიერ სამინისტროში არსებულ ვითარებაზე, პანდემიასთან ბრძოლის მიმართულებით", — განაცხადა მეზვრიშვილმა საზოგადოებრივი მაუწყებლის ეთერში.

დღეს პარლამენტში საგანგებო მდგომარეობის გახანგრძლივების განხილვა იყო. ოპოზიცია ითხოვდა, რომ პარლამენტში პრემირ-მინისტრი მისულიყო და მთავრობის გეგმა წარედგინა. თუმცა, პრემიერის ნაცვლად საკანონმდებლო ორგანოში, ნათია მეზვრიშვილი მივიდა.