რუსეთის პრემიერ-მინისტრი მიიჩნევს, რომ უმჯობესი იქნება, თუ ყავას ამერიკანო რუსიანო დაერქმევა. ამ ინიციატივით მედვედევი ევრაზიული კავშირის სხდომაზე გამოვიდა. ინფორმაციას RIA Novosti ავრცელებს.

მედვედევმა ბელარუსიელი კოლეგები კონსტრუქციული ქმედებისთვის შეაქო, რაზეც ბელარუსის პრემიერმინისტრმა უპასუხა, რომ ამაში მას ყავა ეხმარება.

"დამისხით ამერიკანო! ეს ძალიან არაპოლიტკორექტულად ჟღერს. მოდით ამერიკანოს სახელი შევუცვალოთ." - თქვა მედვედევმა. ალტერნატივად კი რუსიანო შესთავაზა.

2014 წლის ნოემბერში ანექსირებულ ყირიმში ზოგიერთმა კაფემ ამერიკანოს სახელი შეუცვალა. კონკრეტულად ერთ-ერთ კაფეში ასეთი წარწერა გამოჩნდა: "ყურადღებით, არასტაბილურ გეოპოლიტიკურ ვითარებასთან დაკავშირებით, არ გვაქვს ყავა სახელწოდებით ამერიკანო. იკითხეთ ყირიმული. ზოგიერთ ყავის ავტომატში კი ყავას რუსიანო დაარქვეს.