გაეროს გენერალურ ასამბლეაზე რეზოლუცია მიიღეს, რომლის თანახმად, კორონავირუსის წინააღმდეგ მომავალში შექმნილი ვაქცინა იქნება ყველასთვის "თანაბრად, ეფექტიანად და დროულად" ხელმისაწვდომი. ამის შესახებ France24 წერს.

რეზოლუციაში, ასევე, ხაზგასმულია "ჯანდაცვის მსოფლიო ორგანიზაციის უმნიშვნელოვანესი როლი" ამ პროცესში. დოკუმენტი, რომელიც მექსიკამ აშშ-ს მხარდაჭრით მოამზადა, საერთაშორისო სამეცნიერო თანამშრომლობას ითვალისწინებს კოვიდ-19-თან ბრძოლაში.

გაეროს გენერალურმა ასამბლეამ კორონავირუსის პანდემიაზე რეზოლუცია მანამდეც მიიღო. პირველი დოკუმენტითაც გაერომ წევრ ქვეყნებს ვირუსთან საბრძოლველად საერთაშორისო თანამშრომლობისკენ მოუწოდა.

21 აპრილის მდგომარეობით მსოფლიოში კორონავირუსის 2 486 964 დადასტურებული შემთხვევაა. მათ შორის, 170 507 ადამიანი გარდაიცვალა და 653 798 პაციენტი განიკურნა.