დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

თბილისის ინფექციურ საავადმყოფოში მყოფი კორონავირუსით ინფიცირებული 7 მოზარდისა და 9 თვის ბავშვის მდგომარეობა დამაკმაყოფილებელია. ამის შესახებ საავადმყოფოს კლინიკურმა დირექტორმა, მარინა ეზუგბაიამ განაცხადა.

მისი თქმით, საავადმყოფოში კორონავირუსით ინფიცირებული ახალი პაციენტები არ ჰყავთ და ამ დროისთვის მათთან 44 ინფიცირებული მკურნალობს.

"ამ ეტაპზე 44 კოვიდ დადებითი პაციენტი გვიწევს. აქედან 2 არის პრობლემური პაციენტი, რომელთა მდგომარეობა სტაბილურია, მაგრამ მაინც ჯერ პროგნოზირება შეუძლებელია, დაკვირვებას საჭიროებენ. ამ 44-დან 14 მძიმე პნევმონიითაა, მაგრამ ეს პაციენტები მართვას ექვემდებარებიან და მათთან პროგრესირება არ გვაქვს", — განაცხადა მარინა ეზუგბაიამ.

ბოლო მონაცემებით, ქვეყანაში კორონავირუსით ინფიცირების 408 შემთხვევაა დადასტურებული, მათ შორი გამოჯანმრთელებულია 95 ადამიანი, გარდაცვლილია 4, უცხოეთიდან სამკურნალოდ გადმოყვანილი საქართველოს მოქალაქეები —3, კარანტინის რეჟიმში 4 779 ადამიანი რჩება, სტაციონარში მეთვალყურეობის ქვეშ კი 561.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: