ახალქალაქის, კუმურდოსა და კარის მიტროპოლიტი, ნიკოლოზი კანონდარღვევით ჩატარებული მსახურების შემდეგ ამბობს, რომ იმ "წესრიგით" რაც ტაძარშია, კმაყოფილია.

მისი თქმით, ტაძარში წესრიგის დაცვას სტიქაროსნები უზრუნველყოფდნენ.

"დადიოდნენ სტიქაროსნები და როგორც მოუწოდებედნენ ადამიანებს, მართლაც ძნელია, როდესაც წირვაზე დგახარ შეიძლება გაიწიო, შეიძლება შემთხვევით ახლოს მიხვიდე და აფრთხილებდნენ. მე მინდა გითხრათ, რომ, როგორც სასულიერო პირი, ძალიან კმაყოფილი ვარ ასეთი წესრიგის, როგორიც ტაძარშია", — განაცხადა მეუფე ნიკოლოზმა.

კორონავირუსის პანდემიის პირობებში, სპეციალისტების რეკომენდაციების მიუხედავად, საპატრიარქომ უარი თქვა მთავარი რეკომენდაციის შესრულებაზე და მრევლს სახლში დარჩენისკენ არ მოუწოდა, არც ეკლესიები დაკეტა დროებით. პირიქით, საქართველოს მთავრობა და ეკლესია შეთანხმდნენ, რომ აღდგომის ლიტურგიას მრევლიც დაესწრო.

ამ დროისთვის საქართველოში კორონავირუსის 388 დადასტურებული შემთხვევაა, მათ შორის გამოჯანმრთელდა 86, ხოლო გარდაიცვალა 4 ადამიანი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: