ფონდი ქართუ ადგილობრივი წარმოების 4 მილიონ პირბადეს შეიძენს და სახელმწიფოს გადასცემს. ამის შესახებ ჯანდაცვის მინისტრმა, ეკატერინე ტიკარაძემ ისაუბრა.

"არ შეიძლება, არ აღინიშნოს ქართუს ძალიან დიდი წვლილი იმ ფაქტთან მიმართებაში, რომ ფონდი დგამს კიდევ ერთ უპრეცედენტო ნაბიჯს და 4 მილიონ პირბადეს უსასყიდლოდ გადასცემს სახელმწიფოს, რაც ძალიან მნიშვნელოვნად შეამსუბუქებს იმ ტვირთს, რომელიც დღეს ჩვენ გაგვაჩნია Covid-19-ის ინფექციასთან ბრძოლიდან გამომდინარე", — აღნიშნა ეკატერინე ტიკარაძემ.

როგორც მთავრობაში ამბობენ, კომპანია რესპირატორი დღე-ღამეში სამშრიან 250 ათასამდე სამედიცინო პირბადის წარმოებას შეძლებს.

რამდენიმე დღის წინ ფონდმა ქართუმ დაადასტურა, რომ ქართული ოცნების თავმჯდომარემ, ბიძინა ივანიშვილმა და მისმა ოჯახმა StopCov-ის ფონში 100 მილიონი ლარი გადარიცხეს.